عمران خان کا دورہ تعلقات کا نیا باب کھول دے گا، چین

بیجنگ (مانیٹرنگ ڈیسک) چین کی وزارت خارجہ نے کہا ہے کہ وزیر اعظم عمران خان کا دورہ دونوں ممالک کے رہنماؤں کو نئے حالات میں ترقی کے دو طرفہ تعلقات کا ایک نیا باب کھولنے کے لیے موقع فراہم کرے گا۔وزیر اعظم عمران خان اپنے چینی ہم منصب لی کی چیانگ اور صدر شی جن پنگ کی دعوت پر 2 نومبر کو چین کا دورہ کریں گے۔

چینی وزارت خارجہ کے ترجمان لو کینگ نے ہفتہ وار بریفنگ کے دوران کہا کہ عمران خان شنگھائی میں ہونے والے چائنا انٹرنیشنل امپورٹ ایکسپو (سی آئی آئی ای) میں بھی شرکت کریں گے۔

ان کا کہنا تھا کہ عمران خان اپنے دورے میں صدر شی جن پنگ اور وزیراعظم لی کی چیانگ سے بھی تبادلہ خیال کریں گے۔ترجمان نے کہا کہ دونوں ممالک باہمی تعلقات، تعاون اور مشترکہ مفادات کے معاملات پر مفصل بات کریں گے۔

پاکستان ‘سی آئی آئی سی’ میں بحیثیت مہمان خصوصی شرکت کرے گا او عمران خان امپورٹ ایکسپو کی افتتاحی تقریب میں شریک ہوں گے جہاں وہ ایک اہم خطاب بھی کریں گے۔

چینی وزارت خارجہ کے ترجمان نے اعتماد کا اظہار کیا کہ چین اور پاکستان کے تعلقات پر عالمی اور مقامی صورت حال میں آنے والی تبدیلیوں کا اثر نہیں پڑے گا۔

The post عمران خان کا دورہ تعلقات کا نیا باب کھول دے گا، چین appeared first on Iblagh News | حقائق تک رسائی اور ان کا ابلاغ.

from Iblagh News | حقائق تک رسائی اور ان کا ابلاغ https://ift.tt/2Rl7Ymu
via IFTTT