مولانا فضل الرحمان کو بھی پکڑیں گے، اہم حکومتی وزیر نے دھماکہ خیز اعلان کردیا

راولپنڈی (ویب ڈیسک)صوبائی وزیر اطلاعات فیاض الحسن چوہان نے اپوزیشن کے اتحاد کو تنقید کا نشانہ بناتے ہوئے کہا کہ قومی دولت کی لوٹ مار کرنے والے سیاستدان اپنا انجام سامنے دیکھ کر اکٹھے ھورہے ہیں۔فیاض الحسن چوھان کا کہنا تھا مولانا فضل الرحمن لوٹ مار کی سیاست پر یقین رکھتے ہیں وہ احتساب سے بچ نہیں پائیں گے۔

وزیراطلاعات و ثقافت پنجاب فیاض الحسن چوھان نے کہا ہے کہ اسمبلی کا وقار اور اس کے ڈیکورم کا خیال رکھنا تمام اراکین کی ذمہ داری ہے اوروہ قانونی اور اخلاقی طور پربھی اسکے پابند ہیں۔پنجاب اسمبلی کے باہر میڈیا سے گفتگو کرتے ھوئے انہوں نے کہا کہ مولانا فضل الرحمن نے آصف زرداری، یوسف رضا گیلانی، حمزہ شہباز شریف سے ملاقاتوں کا سلسلہ شروع کر رکھا ہے مولانا فضل الرحمن 73کے آئین کی آڑ لیکر 74 قسم کی کرپشن اور 75 قسم کی اقربا پروری کرتے ہیں اوراصول کے بجائے وصول کی سیاست پر کاربند ہیں فیاض الحسن چوھان نے کہا کہ ہر کرپٹ سیاستدان اپنے اپنے طور سے کرپشن، لوٹ مار منی لانڈرنگ اور قومی خزانے کے استحصال میں ملوث ھوتا ہے لیکن جب قانون کا شکنجہ اس کے گرد تنگ ھونے لگتا ہے یہ سارے سیاستدان لٹیرے اکٹھے ہو جاتے ہیں۔یہ لوگ جو مرضی کرلیں مگر ہمیں وزیراعظم عمران خان اور وزیراعلی پنجاب عثمان بزدار کی جانب سے یہ مینڈیٹ ملا ہے کہ گزشتہ 10 سے خصوصا’’اور 40 سال سے عموماً قومی خزانے کی لوٹ مار کرنے والوں کا احتساب کرنا ہے اور ان سے لوٹی گئی رقوم واپس لیکر قومی خزانے میں جمع کرانا ہے۔اعلیٰ عدلیہ اور ادارے آپ سے پوچھ گچھ میں مکمل آزاد ہیں اور آپ کو لوٹ مار کا حساب دینا ھوگا۔

بعد ازاں پنجا ب اسمبلی سے خطاب کرتے ہوئے صوبائی وزیر کا کہنا تھا کہ چار روز سے ن لیگ کے اراکین اجلاس میں نہیں آ رہے مگر حاضری ضرور لگا رہے ہیں تا کہ ٹی اے ڈی اے لینے کا موقع نہ ہاتھ سے نکل جائے۔ مسلم لیگ کے اراکین چمڑی جائے پر دمڑی نا جائے کے مقولے پر یقین رکھتے ہیں

The post مولانا فضل الرحمان کو بھی پکڑیں گے، اہم حکومتی وزیر نے دھماکہ خیز اعلان کردیا appeared first on Hassan Nisar Official Urdu News Website.

from Hassan Nisar Official Urdu News Website https://ift.tt/2PRO0PU
via IFTTT