پنجاب میں تحریک انصاف نے ایسا کام شروع کردیا کہ آپ شہباز شریف کو بھول جائیں گے

لاہور(ویب ڈیسک) صوبائی وزیر صنعت وتجارت میاں اسلم اقبال نے پنجاب میں ایک نیا انداز اختیار کرنے کا اعلان کیا ہے۔ انہون نے کہا کہ بیورو کریسی اور دیگر اداروں کو اپنا قبلہ درست کرنے کی ضرورت ہے۔اسلم اقبال کے مطابق تعلیم کے فروغ سے بھی غربت اوربیروزگاری کے مسائل پر قابو پایا جا سکتا ہے، نئی ٹیکنیکل یونیورسٹیاں قائم کی جارہی ہیں.

صوبائی وزیر صنعت وتجارت میاں اسلم اقبال نے کہا ہے کہ وزیراعظم عمران خان کی قیادت میں ایسے پاکستان کی جانب بڑھ رہے ہیں جہاں عام آدمی بھی سراٹھا کر جئے گا۔تعلیم، صحت ،انصاف اور بنیادی سہولتیں ہر شہری کو ملیں گی اورلوگوں کے مسائل ان کی دہلیز پر حل ہوں گے۔نئے پاکستان میں کوئی غریب کا حق چھیننے کی جرأت نہیں کرے گا اور وسائل کی ایک ایک پائی شفاف طریقے سے عوام کو سہولتوں کی فراہمی پر صرف کی جائے گی۔ میاں اسلم اقبال نے ان خیالات کا اظہار آج اپنے کیمپ آفس میں مختلف وفود سے گفتگو کرتے ہوئے کیا۔صوبائی وزیر نے کہا کہ پی ٹی آئی حکومت کا 100روزہ پلان عوام کی زندگیوں میں آسانیاں لانے کاایجنڈا ہے۔آئندہ 5سال میں 1کروڑ روزگار کے مواقع اور50لاکھ گھروں کی تعمیر پی ٹی آئی حکومت کے منشور کا اہم حصہ ہے اوران اہداف کے حصول کے لئے کوئی کسراٹھا نہیں رکھی جائے گی۔انہوں نے کہاکہ سرمایہ کاری اور صنعتوں کے فروغ سے روزگار کے لاکھوں نئے مواقع پیدا کئے جائیں گے۔انہوں نے کہا کہ بدقسمتی سے سابق حکومتوں نے صنعتی ترقی کے لئے کوئی موثر اور ٹھوس پالیسی نہ دی جس کی بنا پر صنعت کا شعبہ زوال پذیر ہوا۔

میاں اسلم اقبال نے مزید کہا کہ ہم صوبے میں صنعتوں کے فروغ کے لئے ایسی پالیسی لارہے ہیں جو صنعتی شعبہ میں انقلاب برپا کر دے گی۔انہوں نے کہا کہ چھوٹی اور درمیانی درجے کی صنعتیں کسی بھی ملک کی ترقی میں ریڑی کی ہڈی کی حیثیت رکھتی ہیں اور ایس ایم ای سیکٹر ملازمتیں فراہم کرنے کا ایک بڑا ذریعہ ہے۔پنجاب حکومت صوبے میں اس سیکٹر کے فروغ کے لئے ٹھوس اقدامات کررہی ہے۔انہوں نے کہا کہ فنی تعلیم کے فروغ سے بھی غربت اوربیروزگاری کے مسائل پر قابو پایا جا سکتا ہے۔صوبے میں نئی ٹیکنیکل یونیورسٹیاں قائم کی جارہی ہیں۔

The post پنجاب میں تحریک انصاف نے ایسا کام شروع کردیا کہ آپ شہباز شریف کو بھول جائیں گے appeared first on Hassan Nisar Official Urdu News Website.

from Hassan Nisar Official Urdu News Website https://ift.tt/2R10c0I
via IFTTT