ایران سے تیل کی درآمدات کو بند کرنا ناممکن ہے: بھارتی تجزیہ کار

نئی دہلی (مانیٹرنگ ڈیسک) بھارتی ماہر برائے امور اقتصادی نے کہا ہے کہ امریکہ کی درخواستوں کے باوجود ایران سے تیل کی درآمدات کو مکمل طور پر بند کرنا ناممکن ہے کیونکہ ایران بھارت کو تیل فراہم کرنے والے سب سے بڑے ملکوں میں سے ایک ہے۔

بھارتی ماہر برائے امور اقتصادی ’’منہاز مرچنت‘‘ نے غیر ملکی ذرائع ابلغ کے ساتھ انٹریو میں کہا کہ بھارت نے امریکی دباؤ سے چھٹکارا پانے کے لئے ایران سے تیل کی درآمدات کو کم کر دیا ہے لیکن ایران سے تیل کی درآمدات کو بالکل بند کرنا ناممکن ہے۔

انہوں نے کہا کہ بھارت نے ایران پر امریکی پابندیوں کے اثرات کے تدارک کے لیے کچھ انتظامات کر رکھے تھے مثال کے طور پربھارت نے ڈالر کے بجائے ریال-روپے کا معاہدہ کر رکھا تھا جس کے تحت تیل کی قیمت روپے میں ادا کی جا سکتی تھی۔

بھارتی ماہر برائے امور اقتصادی نے کہا کہ امریکہ اور بھارت کے درمیان حقیقی تنازع ایران کے خلاف امریکی پابندیوں کے نئے دور کے آغاز سے شروع ہو جاتا ہے۔

انہوں نے کہا کہ دہلی اور واشنگٹن کی کشیدگی میں اضافہ ہونے کے تناظر میں بھارت، امریکہ اور خطے کے دوسرے ممالک کے ساتھ تعلقات میں توازن برقرار رکھنے کی کوشش کر رہا ہے۔

انہوں نے کہا کہ ایران سے تیل کی خریداری کے علاوہ روس سے ایس -400 میزائیل خریدنے کی وجہ سے بھارت-امریکہ تعلقات کشیدگی کا شکار ہو گئے ہیں۔

The post ایران سے تیل کی درآمدات کو بند کرنا ناممکن ہے: بھارتی تجزیہ کار appeared first on Iblagh News | حقائق تک رسائی اور ان کا ابلاغ.

from Iblagh News | حقائق تک رسائی اور ان کا ابلاغ https://ift.tt/2SuTUbs
via IFTTT