11/9 حملے: ملزم منیر المتصدق جرمنی سے ملک بدر

برلن (مانیٹرنگ ڈیسک) امریکا میں نائن الیون کے دہشت گردانہ حملوں میں ملوث سزا یافتہ ملزم منیر المتصدق کو جرمنی سے ملک بدر کرنے کے لیے ایئرپورٹ پہنچا دیا گیا۔ غیرملکی خبررساں ادارے کے مطابق نائن الیون کے دہشت گردانہ حملوں میں ملوث ملزم منیر المتصدق کو جرمنی سے ملک بدر کرنے کے لیے ہیمبرگ ہوائی اڈے پہنچادیا گیا جہاں سے اسے مراکش روانہ کر دیا جائے گا۔

ہیمبرک میں صوبائی وزارت داخلہ کے ترجمان نے کہا کہ منیر المتصدق کو بہت جلد ملک بدر کیا جا رہا ہے تاہم سیکیورٹی وجوہات کی بنا پر اس کی کوئی تفصیلات باقاعدہ طور پر اس لیے جاری نہیں کی گئیں کہ یہ عمل کسی بھی ممکنہ رکاوٹ کے بغیر مکمل کیا جا سکے۔

منیر المتصدق پر 11 ستمبر 2001 کو امریکی شہروں نیویارک اور واشنگٹن میں کیے جانے والے دہشت گردانہ حملوں میں ملوث عسکریت پسندوں میں سے تین کی عملی مدد کا الزام ثابت ہوا تھا۔

ملزم کو جرمن عدالت نے 2006 میں نائن الیون کے حملہ آوروں کی مدد اور ایک دہشت گرد تنظیم القاعدہ کی رکنیت کے الزام میں مجرم قرار دیا تھا، اس مقدمے میں منیر المتصدق پر سینکڑوں انسانوں کے قتل میں معاونت کا الزام بھی ثابت ہو گیا تھا۔

منیر المتصدق کا کہنا تھا کہ اسے یہ بالکل علم نہیں تھا کہ اس کے چند دوست 2001 میں امریکا پر دہشت گردانہ حملوں کا منصوبہ بنا رہے تھے، المتصدق کو جرمن عدالت نے 15 برس قید کی سزا سنائی تھی۔

ملزم کی جیل سے رہائی اس لیے ممکن ہو سکی کہ معمول کے عدالتی طریقہ کار کے مطابق نومبر 2001 میں اس کی گرفتاری کے بعد سے اسے سزا سنائے جانے تک اس نے جتنا عرصہ جیل میں گزارا تھا وہ بھی جزوی طور پر اس کی سزائے قید کا حصہ ہی سمجھا گیا تھا۔

The post 11/9 حملے: ملزم منیر المتصدق جرمنی سے ملک بدر appeared first on Iblagh News | حقائق تک رسائی اور ان کا ابلاغ.

from Iblagh News | حقائق تک رسائی اور ان کا ابلاغ https://ift.tt/2PJ2nFW
via IFTTT