بھارت: وزیرِ اعلیٰ سیکریٹریٹ کے سامنے نماز کی ادائیگی، پولیس پریشان

نئی دہلی (مانیٹرنگ ڈیسک) مسجد کے امام نے بھارتی ریاست اتر پردیش میں وزیرِاعلیٰ سیکریٹریٹ کے سامنے نماز ادا کر کے پولیس کو پریشانی میں مبتلا کر دیا۔ بھارتی ویب سائٹ ہندوستان ٹائمز کی رپورٹ کے مطابق اس شخص کی شناخت رفیق احمد کے نام سے ہوئی تھی۔ جمعہ کی شام میں پیش آنے والے واقعے کے دوران علاقے میں ٹریفک کی روانی متاثر ہوئی جبکہ لوگوں نے مودی مخالف نعرے بھی لگائے۔

بھارتی ذرائع ابلاغ کا کہنا ہے کہ جس وقت مسلمان شخص روڈ پر نماز پڑھ رہا تھا اس وقت وزیرِ اعلیٰ اتر پردیش یوگی ادتیاناتھ کی سربراہی میں سیکریٹریٹ میں اعلیٰ حکام کا اجلاس جاری تھا۔

لکھنو کے سینئر سپرنٹنڈٹ پولیس کلانیدھی نیتھانی نے رات گئے امام کو گرفتار کر لیا اور ان کے خلاف افرا تفری پھیلانے اور ٹریفک جام کرنے کا مقدمہ بھی درج کر لیا۔ انہوں نے بتایا کہ امام کا پتہ لگانے کے بعد انہیں گرفتار کیا گیا تاہم ابھی اس معاملے کی مزید تحقیقات جاری ہے۔

معاملے کا نوٹس لیتے ہوئے لکھنو پولیس چیف نے اس وقت ڈیوٹی پر مامور 2 پولیس کانسٹیبل کو برطرف کر دیا جنہوں نے امام کو نماز پڑھنے کی اجازت دی تھی۔ اس دوران 20 منٹ تک ٹریفک جام رہا جبکہ موقع پر موجود پولیس اور ٹریفک پولیس اہلکاروں نے امام کو مکمل نماز ادا کرنے دیا تھا اور یہ پورا منظر ٹیلی ویژن نمائندوں نے ریکارڈ کیا تھا۔ نماز کی ادائیگی کے بعد رفیق احمد اپنی موٹر سائیکل پر بیٹھ کر وہاں سے چلے گئے۔

The post بھارت: وزیرِ اعلیٰ سیکریٹریٹ کے سامنے نماز کی ادائیگی، پولیس پریشان appeared first on Iblagh News | حقائق تک رسائی اور ان کا ابلاغ.

from Iblagh News | حقائق تک رسائی اور ان کا ابلاغ https://ift.tt/2IUwasT
via IFTTT