بشارالاسد کی حکومت کو گرانے میں امریکہ ذلت آمیز شکست سے دوچار:امریکی تجزیہ کار

واشنگٹن (مانیٹرنگ ڈیسک) امریکہ کے ایک معروف سیاسی تجزیہ نگار نے کہا ہے کہ شام کے قانونی صدر بشارالاسد کی حکومت کو گرانے کے منصوبے میں ناکامی کے بعد اب امریکہ اس ملک کو چھوٹی ریاستوں میں تقسیم کرنے کے ایک گھناؤنے منصوبے پر عمل پیرا ہے۔ ایرانی ذرائع ابلاغ کےساتھ انٹرویو میں ’’جسن انروحی‘‘ نے کہا کہ شام کے قانونی صدر بشارالاسد کی حکومت کو گرانے کے منصوبے میں ناکامی کے بعد اب امریکہ اس ملک کو چھوٹی ریاستوں میں تقسیم کرنے کے ایک گھناؤنے منصوبے پر عمل پیرا ہے۔ انہوں نے کہا کہ امریکہ اور دیگر سامراجی قوتوں نے شام کے خلاف سازشوں کو ابھی ترک نہیں کیا ہے ۔

انہوں نے کہا کہ اس حقیقت کے باوجود کہ دمشق حکومت روس اورایران کی حمایت سے جنگ میں فاتح ہو کر اُبھر رہی ہے ایسا دکھائی دے رہا ہے کہ اس عرب ملک کو تقسیم کرنے کی مغربی حکومتوں کی سازشیں ابھی ختم نہیں ہوئی ہیں۔

انہوں نے کہا کہ امریکہ کی طرف سے شام میں سرگرم وائٹ ہلمٹس نامی دہشتگرد گروہ کو فنڈس جاری رکھنے کے وائٹ ہاوس کے فیصلے سے ثابت ہوتا ہے کہ امریکہ نے شامی عوام اورحکومت کے خلاف اپنے منصوبوں کو ترک نہیں کیا ہے ۔

موصوف تجزیہ نگار نے کہا کہ امریکہ نے شام میں دہشتگردی کے خلاف مہم چھیڑنے کے بہانے اس ملک میں اپنی فوجیں بھیجی ہیں تاہم امریکہ کا اصل منصوبہ اب اس ملک کی تقسیم ہے۔

قابل ذکر بات یہ ہے کہ شام کے صدر بشارالاسد نے اپنےایک حالیہ انٹرویو میں کہا تھا کہ امریکہ نے شام میں دہشتگردوں کی مدد کیلئے موجود اپنے فوجی دستوں کو جلد واپس نہ بلایا تو شامی سرزمین پر امریکی فوج کےساتھ تصادم کے امکانات بڑھ جائیں گے ۔

آرٹی کے ساتھ انٹرویو میں انہوں نے کہا کہ ان کی حکومت امریکی حمایت یافتہ دہشتگردوں کے ساتھ مذاکرات تو کر سکتی ہے لیکن اگر ضروری ہوا تو ان کے زیر قبضہ علاقوں کی واپسی کیلئے عسکری قوت کا استعمال بھی کیا جائے گا۔ انہوں نے کہا تھا کہ اگر امریکی فوجی اپنے حمایت یافتہ دہشتگردوں کی مدد کیلئے پہنچنے گے تب دمشق حکومت عسکری کاروائی کرے گی۔

واضح رہے کہ شام کو سن 2011 سے امریکہ، سعودی عرب ، ترکی اور قطر کے حمایت یافتہ دہشتگرد گروہوں کی سرگرمیوں کا سامنا ہے جس کے نتیجے میں چار لاکھ ستر ہزار سے زائد شامی شہری مارے جا چکے ہیں اور دہشتگردی کے نتیجے میں کئی لاکھ افراد اپنے ملک میں بے گھر اور لاکھوں دیگر ممالک میں پناہ لینے پر مجبور ہو گئے ہیں۔

The post بشارالاسد کی حکومت کو گرانے میں امریکہ ذلت آمیز شکست سے دوچار:امریکی تجزیہ کار appeared first on Iblagh News | حقائق تک رسائی اور ان کا ابلاغ.

from Iblagh News | حقائق تک رسائی اور ان کا ابلاغ https://ift.tt/2lMwyyK
via IFTTT