الیکشن 2018 میں پنجاب کے اہم ترین ضلع سے ماں اور بیٹی بھی رکن اسمبلی منتخب ہو گئیں ، یہ کون ہیں ؟ اس خبر میں جانیے

فیصل آباد(ویب ڈیسک) انتخابات کے دوران فیصل آباد ڈویژن سے ماں بیٹی بھی منتخب ہو گئیں۔دونوں پاکستان تحریک انصاف کی ٹکٹ پر کامیاب ہوئی ہیں۔غلام بی بی بھروانہ این اے 115جھنگ سے 91ہزار 434 ووٹ لی کر کامیاب ہوئی ہیں ان کے مد مقابل محمد احمد لدھیانوی نے 69 ہزار 616

اور شیخ وقاص اکرم نے 60 ہزار 598 ووٹ لیے جبکہ ان کی والدہ سلیم بی بی پی پی 96 چنیوٹ سے کامیاب ہوئی ہیں انہوں نے 29 ہزار 668 ووٹ لیے ان کے مد مقابل مسلم لیگ ن کے محمد ثقلین انور نے 26 ہزار 406 ووٹ اور آزاد امیدوار نے 20 ہزار 517 ووٹ لیے۔دوسری جانب مسلم لیگ (ق) نے مرکز اور پنجاب میں پاکستان تحریک انصاف (پی ٹی آئی) کی حمایت کا فیصلہ کرتے ہوئے پنجاب میں مسلم لیگ (ن) کا ساتھ دینے سے انکار کردیا۔ذرائع نے جیو نیوز کو بتایا کہ یہ فیصلہ چوہدری شجاعت حسین کی سربراہی میں پارٹی کے مشاورتی اجلاس میں ہوا۔اجلاس کے دوران معاملے پر غور کیا گیا اور شرکاء کی جانب سے کہا گیا کہ ق لیگ پی ٹی آئی کی اتحادی ہے اور اس اتحاد کو مزید مضبوط کی جائے گا۔ق لیگ کے اجلاس میں فیصلہ کیا گیا کہ مرکز اور پنجاب میں تحریک انصاف کا ساتھ دیا جائے گا۔ذرائع نے بتایا کہ اجلاس میں ن لیگ کے بارے میں کہا گیا کہ وہ ہمیشہ مفادات کے لیے رابطہ کرتے ہیں۔ذرائع کے مطابق مسلم لیگ (ن) کی جانب سے اسپیکر قومی اسمبلی اور پارٹی رہنما ایاز صادق نے مسلم لیگ ق

کی قیادت سےرابطہ کیاتھا۔ذرائع نے مزید بتایا کہ مسلم لیگ ن نے ق لیگ کو پنجاب میں مرضی کا عہدہ دینے کی بھی پیش کش کی تھی۔پنجاب میں مسلم لیگ ن 127 نشستوں کے ساتھ پہلے نمبر پر ہے جب کہ تحریک انصاف کا 123 نشستوں کے ساتھ دوسرا نمبر ہے تاہم حکومت بنانے کے لیے 29 آزاد امیدواروں کی اہمیت بڑھ گئی ہے۔ جنوبی پنجاب کے چار آزاد ارکان کی پی ٹی آئی میں شمولیت کے بعد تحریک انصاف کی عددی حیثیت 127 تک پہنچ گئی اور یہ مسلم لیگ ن سے دو نشستیں پیچھے ہے تاہم پی ٹی آئی نے دعویٰ کیا ہے کہ کل تک مطلوبہ نمبر حاصل کرلیں گے ۔نمبر گیم کی دوڑ میں تحریک انصاف کی جانب سے چوہدری سرور، جہانگیر ترین، علیم خان اور اسلم اقبال مصروف ہیں جب کہ 18 آزاد اراکین کی کل عمران خان سے ملاقات اور تحریک انصاف میں شمولیت کا بھی امکان ہے۔آئندہ دو تین روز میں سابق وزیراعلیٰ پنجاب اور رہنما ق لیگ پرویز الٰہی کی عمران خان سے ملاقات کا بھی امکان ہے۔پی ٹی آئی کے ترجمان فواد چوہدری پہلے ہی دعویٰ کرچکے ہیں کہ ان کی جماعت وفاق کے ساتھ ساتھ پنجاب میں بھی حکومت بنائے گی۔ (ذ،ک)

from Hassan Nisar Official Urdu News Website https://ift.tt/2K7u1cq
via IFTTT