نوازشریف کیخلاف ممکنہ فیصلہ، رات کے اس پہر مریم نواز نے خاموشی توڑدی، ٹوئیٹ کردیا

لاہور(ویب ڈیسک) نوازشریف کیخلاف نیب ریفرنسز کا فیصلہ صبح احتساب عدالت سنائے گی اور یہ فیصلہ سننے کے لیے سابق وزیراعظم اسلام آباد میں موجود ہیں اور صبح عدالت جائیں گے جہاں سے ممکنہ طورپر انہیں گرفتارکیاجائے گا لیکن عدالتی فیصلے سے قبل بالآخر ان کی صاحبزادی مریم نواز نے طویل عرصے کی

خاموشی توڑدی اور ٹوئٹر پر اپنے والداورمرحوم والدہ کیلئےنیک خواہشات کااظہارکیا۔
مریم نواز نے لکھاکہ میں نےآخری باراپنی ماں کوتابوت میں دیکھا، آخری باراپنےوالدکومسکراتےہوئےاپنی والدہ کےساتھ دیکھا، اللہ تعالیٰ میرےوالدین پررحم فرمائے۔

The last time I saw HER was in the coffin. The last time I saw HIM smile was with HER. May Allah have mercy on both of you. Ameen 🤲🏼♥️ pic.twitter.com/q5hlws8rf6

— Maryam Nawaz Sharif (@MaryamNSharif) December 23, 2018

یاد رہے کہ مریم نواز جیل سے رہائی کے بعد سے اب تک خاموش تھیں۔ اس ٹوئیٹ کے بعد انہوں‌نے اپنی پروفائل تصویر بھی بدل دی اور والدین کی اکٹھے تصویر لگا لی.

#NewProfilePic pic.twitter.com/UkUboYGhqI

— Maryam Nawaz Sharif (@MaryamNSharif) December 23, 2018

دوسری طرف جیونیوز کے مطابق شریف برادران کی اسلام آباد کے منسٹر انکلیو میں دو گھنٹے تک ملاقات جاری رہی جس میں ملکی سیاسی صورتحال اور پارٹی امور پر مشاورت کی گئی۔ اس طویل ملاقات کے دوران اپوزیشن جماعتوں سے رابطوں پر غور کیا گیا اور احتساب عدالت کے کسی بھی ممکنہ فیصلے کی روشنی میں پارٹی کے لائحہ عمل پر بھی غور کیا گیا۔

دونوں بھائی اس نتیجے پر پہنچے کہ آئندہ قومی اسمبلی اجلاس کےدوران دیگر اپوزیشن جماعتوں سے مشاورت کی جائے گی، آصف زرداری اور بلاول بھٹو کو اپویشن لیڈر کے چیمبر میں چائے پر مدعو کیا جائے گا اور اپویشن جماعتوں کی مشاورت سےتحریک انصاف کی حکومت کیخلاف متفقہ حکمت عملی طے کی جائے گی تاکہ حکومت کو ٹف ٹائم دیاجاسکے ۔

لیگی رہنمائوں کاکہناتھاکہ حکومت سیاسی انتقام کا نشانہ بنارہی ہے اور یہ ایک مرتبہ پھر ماضی کی تاریخ دہرارہے ہیں۔

The post نوازشریف کیخلاف ممکنہ فیصلہ، رات کے اس پہر مریم نواز نے خاموشی توڑدی، ٹوئیٹ کردیا appeared first on Hassan Nisar Official Urdu News Website.

from Hassan Nisar Official Urdu News Website http://bit.ly/2rRl4Nq
via IFTTT