نواز شریف کو سزا ہو گی یا نہیں ؟ سینئر سیاستدان نے بڑی پیش گوئی کر دی

) سینئر سیاستدان جاوید ہاشمی نے پیش گوئی کی ہے نواز شریف کو قومی احتساب بیورو (نیب) کی جانب سے دائر فلیگ شپ اور العزیزیہ کیس میں سزا ہوگی کیونکہ ادارے ان کیخلاف کیسز کو غلط ثابت نہیں ہونے دیں گے ۔ اپنی رہائش گاہ پر میڈیاسے گفتگو کرتے ہوئے انہوں نے

کہانیب کا مقصد سیاستدانوں سے ان کی وفاداریاں تبدیل کروانا ہے ۔ اگر نواز شریف کو سزا ہوئی تو میں یہ فیصلہ منظور نہیں کرو ں گا ۔ صوبہ جنوبی پنجاب بنانے کے حوالے سے یہ منصوبہ آخری مراحل میں ہے اور صرف پاکستان تحریک انصاف کی حکومت کے یو ٹرن کی وجہ سے یہ کام رک سکتا ہے تاہم اس معاملے پر حکومت کیلئے یو ٹرن لینا آسان نہیں ہوگا ۔ شہباز شریف کے جنوبی پنجاب صوبہ بنانے کے مطالبے کے حوالے سے ان کا کہنا تھا انہوں نے اس کی پہلے ہی پیش گوئی کردی تھی ۔ پارلیمنٹ میں تقریباً تمام جماعتوں نے اس کی حمایت کا اعلان کردیا ہے ۔ شہباز شریف پبلک اکاؤنٹس کمیٹی کے سربراہ بننے کے بعد قومی اسمبلی کے اجلاس کے لیے خود اپنے پروڈکشن آرڈر دے سکیں گے ۔ انہوں نے اظہارِ برہمی کرتے ہوئے کہا عمران خان دنیا بھر میں تقاریر کر رہے ہیں تاہم قومی اسمبلی کے اجلاس سے غائب ہیں ۔ عمران خان پارلیمانی نظام کے بجائے صدارتی نظام کی حمایت کرتے ہیں وہ اس قابل ہی نہیں کہ اسمبلی میں سوالات کا جواب دے سکیں ۔ جاوید ہاشمی نے کہا کہ میڈیا کو سینسر شپ جبکہ میڈیا انڈسٹری کو منافع بخش بنانے والے ملازمین کو نوکریوں سے نکالا جارہا ہے ۔

The post نواز شریف کو سزا ہو گی یا نہیں ؟ سینئر سیاستدان نے بڑی پیش گوئی کر دی appeared first on Hassan Nisar Official Urdu News Website.

from Hassan Nisar Official Urdu News Website http://bit.ly/2V6pspu
via IFTTT