کیا بات ہے : جنرل ہسپتال لاہور کے ڈاکٹروں نے بڑی رقم چیف جسٹس کے ڈیم فنڈ میں عطیہ کر دی

لاہور( ویب ڈیسک )پوسٹ گریجویٹ میڈیکل انسٹی ٹیوٹ ، امیر الدین میڈیکل کالج اور لاہور جنرل ہسپتال کے پروفیسرز ، ڈاکٹرز ،نرسز ، پیرا میڈیکل سٹاف اور دیگر عملے کی طرف سے 65لاکھ روپے کی خطیر رقم کا عطیہ چیف جسٹس آف پاکستان کے ڈیم فنڈ میں جمع کرا دیا گیا۔ ادارے کے سربراہ

پرنسپل پروفیسر محمد طیب نے اس سلسلے میں مجموعی طور پر 6.527ملین روپے کی رقوم کے چیک بھجوا دیے ہیں پرنسپل پروفیسر محمد طیب نے اس حوالے سے گفتگو کرتے ہوئے کہا کہ چیف جسٹس آف پاکستان نے ملک و قوم کا درد رکھتے ہوئے پانی جیسے اہم قومی مسئلے کی نہ صرف نشاندہی کی بلکہ اُس کے عملی حل کیلئے جس جدوجہد کا آغاز کیا ہے ہر محب وطن شہری اس میں بڑھ چڑھ کر حصہ لے رہا ہے۔ پروفیسر محمد طیب کا کہنا ہے کہ پانی کی حفاظت اور ذخیرہ کرنا ہمارا قومی فرض ہے ۔ جس کیلئے ان اداروں نے اپنی دو دن کی تنخواہ پیش کی ہے۔پروفیسر محمد طیب نے اپیل کی کہ پی جی ایم آئی سے فارغ التحصیل بیرون ملک کام کرنے والے ڈاکٹرز اور پیرا میڈیکل سٹاف بھی اس مہم میں اپنا حصہ ڈالیں تاکہ وطن عزیز کو مستقبل میں پانی کے بحران سے محفوظ رکھا جا سکے ۔انہوں نے پی جی ایم آئی ، امیر الدین میڈیکل کالج اور ایل جی ایچ کے ڈاکٹرز و عملے کا شکریہ بھی ادا کیا کہ وہ قومی جذبے کے ساتھ اس مہم میں شامل ہوئے ہیں۔

The post کیا بات ہے : جنرل ہسپتال لاہور کے ڈاکٹروں نے بڑی رقم چیف جسٹس کے ڈیم فنڈ میں عطیہ کر دی appeared first on Hassan Nisar Official Urdu News Website.

from Hassan Nisar Official Urdu News Website https://ift.tt/2Ezyo0M
via IFTTT