پاکستان کی پہلی خاتون کوہ پیما اقوام متحدہ کی خیر سگالی سفیر منتخب

نیویارک (مانیٹرنگ ڈیسک) اقوام متحدہ کے ترقی پروگرام نے ماؤنٹ ایورسٹ سر کرنے والی پہلی پاکستانی خاتون کوہ پیما کو ملک میں خیر سگالی سفیر کے طور پر مقرر کردیا۔امریکی خبر رساں ادارے کے مطابق آج جاری ہونے والے اعلامیے میں کہا گیا کہ سمینہ بیگ اقوام متحدہ کے ترقیاتی اہداف کے لیے قومی شعور اور شراکت داری کے فرائض سر انجام دیں گی۔سمینہ بیگ خصوصی طور پر آب و ہوا کی تبدیلی، ماحولیاتی حفاظت، نوجوان اور خواتین کو با اختیار کرنے پر کام کریں گی۔

واضح رہے کہ گلگت بلتستان میں پیدا ہونے والی سمینہ بیگ نے 22 سال کی عمر میں پہاڑ سر کرنے والی پہلی خاتون تھیں۔وہ دنیا کے ساتوں بر اعظم کے بلند ترین پہاڑوں کو سر کرنے کا ریکارڈ بھی رکھتی ہیں۔

سمینہ بیگ نوجوان کو کھیلوں اور دیگر سرگرمیوں میں سراہنے کے لیے پاکستان یوتھ آؤٹ ریچ فاؤنڈیشن کی سربراہی بھی کرتی ہیں۔اقوام متحدہ کے پاکستان میں مقیم معاون نیل بہنے کا کہنا تھا کہ سمینہ بیگ اپنے عہدے کا استعمال کرکے ایسے امور پر روشنی ڈالیں گی جو پاکستان کے مستقبل کو نیا رنگ دیں گے۔

پاک۔امریکا تعلقات شراکت داری کی بنیاد پر بھی ہونے چاہئیں، وزیرداخلہ
اسلام آباد (مانیٹرنگ ڈیسک) وزیر داخلہ احسن اقبال سے امریکی صدر ڈونلڈ ٹرمپ کی خصوصی معاون اور نیشنل سیکورٹی کونسل کی سینئر ڈائریکٹر لیسا کرٹس کی سربراہی میں کونسل کے وفد نے ملاقات کی جہاں انھوں نے وفد پر زور دیا کہ پاک۔امریکا تعلقات کی بنیاد سیکیورٹی کے ساتھ ساتھ ترقی میں شراکت داری کی بنیاد پر بھی ہونے چاہئیں۔ڈونلڈ ٹرمپ کی معاون خصوصی لیسا کرٹس کی سربراہی میں نیشنل سیکورٹی کونسل کے وفد کے ہمرا پاکستان میں مریکی سفیر ڈیوڈ ہیل بھی ملاقات میں شریک تھے۔

وزیر داخلہ احسن اقبال نے امریکی وفد سے ملاقات کے دوران کہا کہ پاکستان اور امریکا میں ہم آہنگی دہشت گردی کو شکست دینے کے لیے نہات اہم ہے۔انھوں نے کہا کہ پاکستان، افغانستان میں دیرپا امن کا خواہاں ہے جبکہ پاکستان میں دہشت گردی کی کمر توڑی جا چکی ہے۔

احسن اقبال نے کہا کہ پاک-امریکا نالج کوریڈور سے پاکستان کے نوجوانوں کی علمی استعداد میں اضافہ ہو گا۔وفاقی وزیر داخلہ نے وفد پر زور دیا کہ پاک۔امریکا تعلقات کی بنیاد سیکیورٹی کے ساتھ ساتھ ترقی میں شراکت داری کی بنیاد پر بھی ہونے چاہئیں۔

پاکستانی عوام کے نقطہ نظر کے حوالے سے وفد کو آگاہ کرتے ہوئے ان کا کہنا تھا کہ پاکستان کے عوام خود دار ہیں اور دباؤ کو خاطر میں نہیں لاتے اس لیے عزت و آبرو پر مبنی تعلقات سے پاکستان اور امریکا خطے میں امن کے لیے کام کر سکتے ہیں۔وزیر داخلہ احسن اقبال نے امریکی سیکیورٹی کونسل کے وفد کو انسانی اسمگلنگ کے خاتمے کے لیے کیے جانے والے اقدامات سے بھی آگاہ کیا۔

خیال رہے کہ امریکی اعلیٰ سطحی وفد نے ایک ایسے وقت میں پاکستان کا دورہ کیا ہے جب ایک ہفتہ قبل ہی امریکا نے پیرس میں فنانشل ایکشن ٹاسک فورس (ایف اے ٹی ایف) کے اجلاس میں پاکستان کو دہشت گردوں کے لیے مالی معاونت کرنے والے ممالک کی واچ لسٹ میں رکھنے کی قرار داد پیش کی تھی۔ایف اے ٹی ایف کے اجلاس میں پاکستان کو کسی فہرست میں شامل نہیں کیا گیا تاہم رپورٹس کے مطابق پاکستان کو جون تک مہلت دی گئی جس کے بعد از سر نو جائزہ لیا جائے گا۔

The post پاکستان کی پہلی خاتون کوہ پیما اقوام متحدہ کی خیر سگالی سفیر منتخب appeared first on Iblagh News | حقائق تک رسائی اور ان کا ابلاغ.

from Iblagh News | حقائق تک رسائی اور ان کا ابلاغ http://ift.tt/2CmI6Dj
via IFTTT