دہشتگردی سے مقابلہ واجب عینی ہے،مصری وزیر اوقاف

قاہرہ (مانیٹرنگ ڈیسک)مصر کے وزیر اوقاف نے دہشتگردی کو عالمی خطرہ قرار دیتے ہوئے کہا ہے کہ اس سے مقابلہ کرنا واجب عینی ہے ۔مصر کے وزیر اوقاف’’ شیخ محمد مختار جمعہ ‘‘نے قاهره میں منعقد ہونے والی اسلامی مسائل کی سپریم کونسل کی 28 ویں کانفرنس کی اہمیت کی جانب اشارہ کرتے ہوئے علمائے عالم اسلام کو شدت پسندانہ نظریات سے مقابلے کی تاکید کرتے ہوئے کہا کہ دہشتگردی سے مقابلہ واجب عینی ہے۔

انہوں نے اس کانفرنس کی انتظامیہ کے ساتھ ہونے والی نشست میں کہاکہ دہشتگردی کی نابودی میں علماء کے درمیان تبادلہ نظر، ملک کی حمایت میں مقصد اسلام پر زور، قومی حکومت سے حمایت کی ضرورت ، معاشرے خصوصاً جوانوں سے تعلقات پر حوصلہ افزائی اور شدت پسندانہ نظریات سے مقابلہ اس کانفرنس کے اہم موضوعات ہیں ۔

انہوں نے یہ بیان کرتے ہوئے کہ شدت پسندوں کی جانب سے دین اسلام کے نام پر پھیلائی جانے والی چیزوں کی اصلاح اور دہشتگردی سے بر سرپیکار ممالک کی حمایت نیز اسلامی معاشرے میں دین کے جدید مسائل پر غور و خوض اس کانفرنس کا حصہ ہیں ۔

مصر کے وزیر اوقاف نے موجودہ حالات میں ملک کا دفاع ہر مسلمان پر واجب عینی قرار دیتے ہوئے کہا کہ دہشتگردی ایک عالمی خطرہ ہے اور اس حوالے سے ہر انسان کی ذمہ داری ہے کہ وہ اس سے مقابلہ کے لئے اٹھ کھڑا ہو ۔

The post دہشتگردی سے مقابلہ واجب عینی ہے،مصری وزیر اوقاف appeared first on Iblagh News | حقائق تک رسائی اور ان کا ابلاغ.

from Iblagh News | حقائق تک رسائی اور ان کا ابلاغ http://ift.tt/2oBOCg9
via IFTTT