عمران خان کے آنے کے بعد پاکستان میں گدھوں کی تعداد میں اضافہ۔۔۔ (ن) لیگ والے کل کسے مبارکباد دیتے رہے ؟ جانیے

لاہور(ویب ڈیسک ) پاکستان مسلم لیگ (ن) نے ایک معاملے پر پی ٹی آئی حکومت کی کارکردگی کے اعتراف کا فیصلہ کرتے ہوئے پنجاب اسمبلی میں قرارداد جمع کرائی ہے۔مسلم لیگ (ن) کے رکن پنجاب اسمبلی میاں نصیر نے گدھوں کی تعداد میں اضافے پر حکومت کو مبارکباد دینے کیلئے پنجاب اسمبلی میں قرار داد جمع کرائی ہے۔

تفصیلات کے مطابق میاں نصیر احمد کی جانب سے جمع کرائی گئی قرارداد میں کہا گیا ہے کہ کوئی اور شعبہ ترقی کرے یا نہ کرے لیکن ملک میں گدھے ضرور وافر مقدار میں موجود ہوں گے۔پاکستان دنیا میں گدھوں کی تعداد کے حوالے سے تیسرا بڑا ملک بن گیا۔قرارداد کے متن کے مطابق پاکستان دنیا میں گدھوں کی تعداد کے لحاظ سے تیسرے نمبر پر آگیا ہے اور ملک میں اس وقت 53 لاکھ گدھے پائے جاتے ہیں، صرف لاہور شہر میں گدھوں کی تعداد 41 ہزار سے تجاوز کر گئی ہے۔قرارداد میں کہا گیا ہے کہ تحریکِ انصاف کے اقتدار میں آنے کے بعد گدھوں کی تعداد میں ایک لاکھ کا اضافہ ہوا جس کے بعد حکومت نے گدھوں کی صحت کا خیال رکھتے ہوئے ڈونکی اسپتال بھی قائم کر دیا ہے اور 5 سال بعد 10 لاکھ گدھوں کا اضافہ متوقع ہے لہٰذا لائیو اسٹاک کے شعبہ میں ترقی پر مسرت کا اظہار کرتے ہیں۔یاد رہے کہ گزشتہ دنوں حکومت پنجاب کے محکمہ لائیو اسٹاک نے بتایا تھا کہ پاکستان دنیا میں گدھوں کی تعداد کے حوالے سے تیسرا بڑا ملک بن گیا ہے۔محکمہ لائیو اسٹاک پنجاب کے مطابق صوبائی دارالحکومت میں گدھوں کی تعداد روز بروز بڑھنا شروع ہو گئی ہے جس کے بعد صرف لاہور شہر میں گدھوں کی تعداد 41 ہزار سے تجاوز کر گئی ہے۔

The post عمران خان کے آنے کے بعد پاکستان میں گدھوں کی تعداد میں اضافہ۔۔۔ (ن) لیگ والے کل کسے مبارکباد دیتے رہے ؟ جانیے appeared first on Hassan Nisar Official Urdu News Website.

from Hassan Nisar Official Urdu News Website https://ift.tt/2EFUOy7
via IFTTT