ہم بھی تبدیلی چاہتے ہیں مگر ۔۔۔۔۔۔ خورشید شاہ کا نیا بیان سامنے آ گیا

کراچی (ویب ڈیسک )پیپلزپارٹی کے رہنما خورشید شاہ کا کہنا ہے کہ مرغی اور انڈوں کی سیاست نہ کریں، جو انڈوں اور مرغیوں پر چلیں وہ تبدیلی نہیں چاہتے،پارلیمینٹ جمہوری سیاست سے منسلک ہونی چاہیے۔رہنما پیپلزپارٹی خورشید شاہ نے کراچی میں ملیر بار کا دورہ کیا ، وکلاء برادری سے ملاقات کی اور ان کے مسائل سنے۔

ملیر بار میں وکلاء سے خطاب کرتے ہوئے پیپلزپارٹی کے رہنما خورشید شاہ کا کہنا تھا کہ آج تو لوگ یو ٹرن کو بھی اپنی کامیابی کی کہانی کہتے ہیں، لیکن ہم تو وہ سیاست دان ہیں جو وعدہ پورا کرنے کے لیے تختہ دار پر چڑھنا جانتے ہیں، پاکستان آنے سے روکا جاتا ہے ہم آتے ہیں شہید ہوجاتے ہیں یو ٹرن نہیں لیتے جب کہ آپ حکومت میں آئے ہو جو وعدے کیے پورے کرو ، ہم ایسی تبدیلی نہیں چاہتے جو مرغی کے انڈوں پر چلے، مرغی کے انڈے والی باتیں نہ کرو۔خورشید شاہ نے کہا کہ ملک میں آج تک جو ہوا سیاست دانوں نے کیا، غلطیاں ہوئی ہوں گی لیکن ملک کو نہیں توڑا، سیاست دانوں نے ہاری ہوی جنگیں جیتی، 18 سالوں میں ملک توڑ دیا گیا، تین جنگیں لڑیں، ڈیم کیوں نہیں بنے، کیوں کہ اس ملک میں قانون کی حکمرانی کم رہی۔ انہوں نے کہا کہ قائد آعظم کے بعد 52 سے 70 تک ڈکٹیرز کا کنٹرول رہا، اس ملک میں پیروکریٹس کو لایا گیا، سکندر مرزا جیسے لوگ آئے، پارلیمنٹ پر بھی انکا کنٹرول رہا، انہوں نے 62 کا آئین بھی دیا۔پیپلزپارٹی کے رہنما نے کہا کہ اس ملک کو اگر کوئی بچا سکتا ہے ترقی دلوا سکتا ہے تو وہ سیاست دان ہیں لیکن کچھ آمروں نے لوگوں کے زہنوں میں ایسی باتیں ڈالی ہیں کہ ہماری توجہ مسائل پر نہیں ہوتی۔

The post ہم بھی تبدیلی چاہتے ہیں مگر ۔۔۔۔۔۔ خورشید شاہ کا نیا بیان سامنے آ گیا appeared first on Hassan Nisar Official Urdu News Website.

from Hassan Nisar Official Urdu News Website https://ift.tt/2UGT2Sj
via IFTTT