ننگر ہار: داعش کے مخالف اہم کمانڈر خود کش حملے میں ہلاک

جلال آباد (مانیٹرنگ ڈیسک) افغانستان کے مشرقی صوبے ننگرہارمیں ہونے والے ایک خود کش حملے میں مقامی ملیشیا کے اہم کمانڈر ہلاک ہو گئے، جو علاقے میں داعش کے خلاف مزاحمت کی علامت تھے۔ صوبے کے گورنر کے ترجمان کا کہنا تھا کہ خود کش حملہ آور نے حیات خان کو نشانہ بنایا جو ضلع بحسود میں مقامی قبیلے کے سربراہ اور مقامی ملیشیئا کے کمانڈر تھے۔

اس حوالے سے صوبائی کونسل ممبر سہراب قادری کا کہنا تھا کہ حاجی حیات خان معروف قبائلی سربراہ تھے، اور داعش کے خلاف لڑائی میں اہم کردار ادا کر تے تھے۔ ان کا مزید کہنا تھا کہ حاجی حیات خان نگرہار میں داعش کے تسلط کے خلاف بڑی رکاوٹ تھے۔

خیال رہے کہ یہ حملہ ننگر ہار میں جاری حالیہ حملوں کے سلسلے کی کڑی ہے، پاکستان سے ملحقہ سرحد پر واقع افغان صوبے ننگر ہار میں داعش نے پہلی مرتبہ 2014 کے اوآخر میں سر اٹھایا تھا۔ صوبے میں داعش اور طالبان دونوں مسلسل عسکری کارروائیوں میں ملوث ہیں تاہم حالیہ واقعے کی ذمہ داری کسی نے بھی قبول نہیں کی۔

دوسری جانب عسکری گروپ داعش نے ہفتے کو ننگرہار میں ہی مڈوائف کے تربیتی مرکز پر ہونے والے حملے کی ذمہ داری قبول کر لی ، مذکورہ حملے میں 3 افراد ہلاک جبکہ 7 زخمی ہو گئے تھے۔

The post ننگر ہار: داعش کے مخالف اہم کمانڈر خود کش حملے میں ہلاک appeared first on Iblagh News | حقائق تک رسائی اور ان کا ابلاغ.

from Iblagh News | حقائق تک رسائی اور ان کا ابلاغ https://ift.tt/2M8FHNJ
via IFTTT