بھارت نے اپنی ہی سفارت کار کو جاسوس قرار دے دیا

نئی دہلی(مانیٹرنگ ڈیسک)بھارت نے پاکستان میں تعینات رہنے والی اپنی ہی سفارت کار کو جاسوس قرار دے دیا۔نئی دہلی کی عدالت نے فیصلہ سناتے ہوئے قراردیا ہے کہ اسلام آباد میں بھارتی ہائی کمیشن میں تعینات رہنے والی سفارت کار مادھوری گپتا دشمن ملک کی مدد کی مرتکب ہوئی ہیں۔

ایڈیشنل سیشن جج سدھارتھ شرماکے مطابق ،مادھوری گپتا اسلام آباد میں اپنی تعیناتی کے دوران دفاع، وزارت داخلہ اور بھارتی ہائی کمیشن میں تعینات اہم افسران اور ان کے خاندانوں کے بارے میں تفصیلات پاکستان کی خفیہ ایجنسی کو فراہم کرتی رہیں ،جس کی وجہ سے ان افسران کو خطرات لاحق ہو سکتے تھے ۔

مادھوری گپتا8سال قبل اسلام آباد میں بھارتی ہائی کمیشن میں بطور سیکنڈسیکرٹری پریس اینڈ انفارمیشن تعینات تھیں۔بتایا گیا ہے کہ اس دوران ان کی دوستی 2پاکستانی اہلکاروں سے ہوگئی اور وہ ایک پاکستانی صحافی کے ذریعے خفیہ معلومات ان افراد کو دینے لگیں۔

مادھوری گپتا کودہلی پولیس کے اسپیشل سیل نے 22اپریل 2010ء کو آفیشل سیکریٹ ایکٹ کے تحت حراست میں لیا تھا اور ان پر بھارت کی کلاسیفائیڈ معلومات پاکستانی آفیشلز کو فراہم کرنے کے الزام میں مقدمہ چل رہا تھا۔

The post بھارت نے اپنی ہی سفارت کار کو جاسوس قرار دے دیا appeared first on Iblagh News | حقائق تک رسائی اور ان کا ابلاغ.

from Iblagh News | حقائق تک رسائی اور ان کا ابلاغ https://ift.tt/2LcTtyE
via IFTTT