نگرھار (مانیٹرنگ ڈیسک) داعش کا سرغنہ ابوبکر البغدادی نگرھار پہنچادیا گیا ہے، مشہورعرب اخبار الشر ق الاوسط نے رواں ہفتے اتوار کے شمار میں انکشاف کیا ہے کہ دہشتگرد تنظیم دولت اسلامیہ کے سرغنہ ابوبکر البغدادی کو افغانستان کے صوبے نگرھار پہنچادیا گیا ہے.اخبار نے سیکورٹی اداروں اور افغانستان میں دہشتگردگروہوں میں موجود اپنے ذرائع سے خبر دی ہے کہ افغانستان کے مشرقی حصے میں واقعہ صوبہ نگرھار میں اس وقت داعش کا سرغنہ موجود ہے.اخبار کا کہنا ہے کہ انہیں نگرھار میں پاکستانی،
دہشتگردوں گروہوں میں سے ایک گروہ کے سرغنہ نے نام ظاہرنہ کرنے کی شرط پر بتایا کہ’’ گزشتہ چھ ماہ میں داعش کے سینکڑوں دہشتگردوں کی افغانستان میں آمد کے بعد داعشی سرغنہ ابوبکر البغدای کو بھی افغانستان پہنچایا گیا ہے۔اخبار کا کہنا ہے کہ پاکستان کے خفیہ ادارے افغان سرحدی علاقوں میں داعشی دہشتگردوں کی نقل و حمل پر کڑی نظر رکھے ہوئے ہیںکہ کہیں وہ بارڈرکراس کرکے پاکستان میں داخل نہ ہوجائیں اخبار نے مذکورہ دہشتگرد سے یہ بات بھی نقل کی ہے کہ گزشتہ دنوں میں شام سے،
بہت سے عرب و غیر عرب دہشتگردوں کی بھی افغانستان میں منتقلی عمل میں لائی گئی ہے ۔اخبار کا یہ بھی کہنا ہے کہ دہشتگردوں میں موجود اس کے ذرائع کے مطابق داعش طالبان کو کمزور کرنا چاہتی ہے اور ان کا ہدف افغانستان اور پاکستان کے درمیان اختلافات کو ہوا دینا ہے۔ادھر دولت مشترکہ کے انسداد دہشتگردی مرکز کے سربراہ اینڈری نو نووف نے ایک نشست میں کہا ہے کہ افغانستان کے شمالی حصے میں داعش کی سرگرمیاں اور وسطی ایشیائی ریاستوں تک ان کے پھیلاؤ کے خطرے کے پیش نظر انہیں،
کافی چیلنجز کا سامنا ہے۔ان کا کہنا تھا کہ اس وقت داعش وسطی ایشیائی ریاستوں میں اپنے سلیپرسیلز کو فعال کرنے کی کوشش میں دکھائی دیتی ہے ۔اس نشست میں قرقزستان کے وزیراعظم نے بھی داعش کے خطرے کے پیش نظرہوشیار رہنے پر تاکید کی۔
The post دہشت گرد بغدادی کا نیا ٹھکانہ appeared first on Iblagh News | حقائق تک رسائی اور ان کا ابلاغ.
from Iblagh News | حقائق تک رسائی اور ان کا ابلاغ https://ift.tt/2NbuHyW
via IFTTT
No comments:
Write komentar