اسرائیل سے خریدے گئے جنگی ہتھیار آذربائجان کے ذریعے ریاض منتقل: روسی میڈیا کا انکشاف

ریاض (مانیٹرنگ ڈیسک) اسرائیلی امور کے ماہر اور روسی یہودیوں کی تنظیم کے سابق سربراہ ’’یوگنی ساٹانوفسکی‘‘ نے اپنی ایک یادداشت جو روسی میڈیا نے شائع کی ہے میں انکشاف کیا ہے کہ صہیونی ریاست سے خریدے گئے جنگی ہتھیاروں کو سعودی عرب نے آذربائیجان کے ذریعے ریاض منتقل کر دیا ہے۔اہل بیت(ع) نیوز ایجنسی۔ابنا۔ خیبر صہیون تحقیقاتی ویب گاہ کے مطابق، روسیا الیوم نیوز ایجنسی نے آج بروز سنیچر کو یہ یادداشت شائع کی ہے جس میں کہا گیا ہے: سویت یونین سے الگ ہوئے ممالک کی ساخت کے جنگی ہتھیاروں کے اب تک اہم ترین خریدار، قطر، عرب امارات،

سعودی اور مصر تھے لیکن موجودہ دور میں بلغاریہ، یوکرین اور سربیا سے ابوظبی اور ریاض کی جانب جانے والی پروازوں میں بہت کمی آگئی ہے۔اسرائیلی امور کے ماہر کا کہنا ہے: سعودی عرب بلغاریہ، یوکرین، بیلاروس اور اسرائیل سے ہتھیار خریدتا اور آذربائیجان کے ذریعے انہیں ریاض منتقل کرتا ہے۔ساٹانوفسکی کی رپورٹ کے مطابق اسرائیل نے کئی جنگی طیارے، ڈرونز اور ٹریکنگ سسٹم سعودی عرب کے اختیار میں دئے ہیں۔اس روسی ماہر نے کہا ہے کہ اگر ہم اسرائیل اور سعودی عرب کے درمیان باہمی تعلقات کے بارے میں گفتگو کرنا چاہیں،

تو یہ کہہ سکتے ہیں کہ ریاض ڈرون طیارے اور اینٹی میزائیل سسٹم اسرائیل سے خریدنے کو ترجیح دیتا ہے۔ساٹانوفسکی نے مزید کہا کہ سعودی عرب نے اپنی آبرو کے تحفظ کی خاطر اسرائیل سے خریدے گئے جنگی سازو سامان کو آذربائیجان کے ذریعے ریاض منتقل کیا ہے۔

The post اسرائیل سے خریدے گئے جنگی ہتھیار آذربائجان کے ذریعے ریاض منتقل: روسی میڈیا کا انکشاف appeared first on Iblagh News | حقائق تک رسائی اور ان کا ابلاغ.

from Iblagh News | حقائق تک رسائی اور ان کا ابلاغ https://ift.tt/2QkCyvY
via IFTTT