(ن )لیگ کو ایک اور جھٹکا۔۔۔۔ اہم ترین لیگی رہنما نے پی ٹی آئی میں شمولیت اختیار کر لی، کپتان کا خیر مقدم

ملتان(ویب ڈیسک)پاکستان مسلم لیگ ن کے رکن قومی اسمبلی سردار جعفر لغاری ،سابق ایم این اے ڈاکٹر مینا لغاری اورسابق سینیٹر محسن لغاری نے پاکستان تحریک انصاف میں شمولیت اختیار کر لی ہے۔ انہوں نے اس کا اعلان پی ٹی آئی کے چیئرمین عمران خان سے ملاقات میں کیا۔ عمران خان نے ان کا خیرمقدم کیا۔

دوسری جانب ایک خبرکے مطابق مسلم لیگ ن کا ایک اور متوالہ پی ٹی آئی میں شامل ہوگیا، سردار جعفر خان لغاری نے دو دیگر ارکان کے ساتھ عمران خان سے ملاقات میں پاکستان تحریک انصاف کا حصہ بننے کا اعلان کیا۔ عمران خان سے جعفر لغاری، مینا جعفر لغاری اور سابق سینیٹر محسن لغاری نے پی ٹی آئی چیئرمین کی رہائش گاہ پر ان سے ملاقات کی اور ن لیگ چھوڑ کر پی ٹی آئی میں شمولیت کا اعلان کیا۔ اس سے قبل 11 مئی کو رکن صوبائی اسمبلی مظہر عباس نے بھی ن لیگ سے راہیں جدا کرکے پی ٹی آئی میں شمولیت اختیار کی جبکہ 8 مئی کو جنوبی پنجاب صوبہ محاذ سے تعلق رکھنے والے 15 سابقہ اور موجودہ اراکین اسمبلی بھی پاکستان تحریک انصاف میں شامل ہوگئے تھے۔ 2013 میں ن لیگ کے ٹکٹ پر سردار جعفر لغاری این اے 174 راجن پور سے رکن قومی اسمبلی منتخب ہوئے تھے۔ گزشتہ روز بھی ن لیگ کے کئی اراکین قومی و صوبائی اسمبلی نے عمران خان سے ملاقات کے بعد تحریک انصاف میں شمولیت اختیار کی تھی۔ جھنگ سے ن لیگ کی رکن قومی اسمبلی غلام بی بی بھروانہ اور صاحبزادہ نذیر سلطان عمران خان سے ملاقات کے بعد تحریک انصاف میں شمولیت اختیار کی۔ صاحبزادہ نذیرسلطان نے 2013 کے انتخابات میں میں آزاد حیثیت سے جھنگ سے قومی اسمبلی کی نشست جیتی تھی۔ اس کے علاوہ ن لیگ کے ایم این اے غلام رسول ساہی اور سابق اسپیکر افضل ساہی نے بھی عمران خان سے ملاقات کے بعد تحریک انصاف میں شمولیت کا اعلان کیا۔ افضل ساہی نے پنجاب اسمبلی کی رکنیت سے استعفیٰ دیتے ہوئے کہا کہ حب الوطنی کے تقاضے کے تحت تحریک انصاف میں شامل ہو رہا ہوں اور ن لیگ کے ساتھ مزید وابستگی نہیں رکھ سکتا۔(ف،م)

from Hassan Nisar Official Urdu News Website https://ift.tt/2Lak53n
via IFTTT