نامزد صدر عارف علوی کی جہانگیر ترین کے گھر آمد،ملاقات کے دوران کن امور پر بات ہوئی؟ خبر آگئی

لاہور (ویب ڈیسک) تحریک انصاف کے صدارتی امیدوار ڈاکٹر عارف علوی نے مرکزی رہنما جہانگیر ترین سے لاہور میں ملاقات کی اور صدارتی الیکشن کی حکمت عملی پر تبادلہ خیال کیا۔پی ٹی آئی کے نامزد صدارتی امیدوار ڈاکٹر عارف علوی گزشتہ شب لاہور کے علاقے ماڈل ٹاؤن میں جہانگیر ترین

کے گھر پہنچے۔اس موقع پر عارف علوی اور جہانگیر ترین نے صدارتی الیکشن کی تیاریوں پر تبادلہ خیال کیا ۔ملاقات کے موقع پر گورنر سندھ عمران اسماعیل، ایم این اے عامر ڈوگر اور ایم پی اے حلیم عادل شیخ بھی موجود تھے۔دوسری جانب ایک خبر کے مطابق لاہور کی سڑکوں پر اہم حکومتی شخصیات بغیر پروٹوکول ہی گھومنے لگیں۔ تفصیلات کے مطابق گورنر سندھ عمران اسماعیل اور صدارتی اُمیدوار عارف علوی پروٹوکول کے بغیر ہی لاہور کی سڑکوں پر گھومتے رہے۔ عمران اسماعیل اور عارف علوی کی ویڈیو سوشل میڈیا پر بھی آ گئی جس میں انہیں خوش گپیاں لگاتے لاہور کی سڑکوں پر پروٹوکول کے بغیر گھومتے ہوئے دیکھا گیا۔سوشل میڈیا صارفین کا کہنا ہے کہ اہم حکومتی شخصیات کو بغیر پروٹوکول کے گھومتے ہوئے دیکھ کر اب لگ رہا ہے کہ ملک میں تبدیلی آ گئی ہے۔ خیال رہے کہ اس سے قبل کوئٹہ کے دورے پر بھی عمران اسماعیل اور عارف علوی نے پروٹوکول کے بغیر عام شہریوں کی طرح بس میں سفر کیا جسے خوب سراہا گیا۔عمران اسماعیل کوئٹہ کے لیے روانگی سے قبل کراچی ائیرپورٹ پر بھی مسافروں کے ساتھ قطارمیں لگے اور اپنی باری کا انتظار کیا۔جب کہ کوئٹہ میں بھی عمران اسماعیل، وزیر دفاع پرویز خٹک،، نامزد صدارتی اُمیدوار عارف علوی اور جہانگیر ترین بغیر پروٹوکول کے گھومتے رہے۔ جس کی تصویر سوشل میڈیا پر بھی مقبول ہوئی۔ قبل ازیں کوئٹہ میں ان کے پروٹوکول لینے اور آدھا گھنٹہ ٹریفک بند رکھنے کی خبریں بھی سامنے آئی تھیں جس پر بات کرتے ہوئے گورنر سندھ عمران اسماعیل کا کہنا تھا کہ بلوچستان آمد پر ائیر پورٹ پر ہی چار سرداروں نے میرا استقبال کیا تھا۔(ف،م)

from Hassan Nisar Official Urdu News Website https://ift.tt/2N5wV6W
via IFTTT