مسیحی برادری پاکستان میں آج ایسٹر کا تہوار منارہی ہے

کراچی(مانیٹرنگ ڈیسک) دنیا بھر کی طرح پاکستان میں بھی آج ایسٹرکا تہوار منایا جارہا ہے۔جس کے باعث مسیحی برادری نے گرجا گھروں میں خصوصی تقریبات کا اہتمام کیا ہے۔ایسٹرعیسائی برادری کا سب سے بڑا مذہبی تہوار ہے جوحضرت عیسی علیہ السلام کےجی اٹھنے کی یاد میں منایا جاتا ہے۔

کراچی کے سینیٹ پیٹرک چرچ میں بھی ایسٹر کی مناسبت سے خصؤصی تقریب ہوئی، جس میں بڑی تعداد میں لوگوں نے شرکت کی ۔اس موقع پرشمعیں روشن کی گئیں اور خصوصی گیت گائے گئے۔مسیحی برادری کے افراد کا کہنا تھا کہ ان کا پیغام سب کیلئے امن و محبت ہے۔

ایسٹر کے موقع پاکستان بھرکے گرجا گھروں میں خصوصی عبادات کا اہتمام کیا گیا۔دنیا بھرمیں بھی مسیحی برادری ایسٹرکا تہوارجوش و خروش سے منا رہی ہےاور ایک دوسرے کوتحائف بھی دیئے جارہے ہیں۔

The post مسیحی برادری پاکستان میں آج ایسٹر کا تہوار منارہی ہے appeared first on Iblagh News | حقائق تک رسائی اور ان کا ابلاغ.

from Iblagh News | حقائق تک رسائی اور ان کا ابلاغ https://ift.tt/2EaoNtr
via IFTTT