ایسی شکایت دوبارہ آئی تو آپ یہاں نہیں کھڑے ہوں گے۔۔۔چیف جسٹس آف پاکستان نے اعلیٰ سرکاری افسر کو بڑی وارننگ جاری کر دی

لاہور(ویب ڈیسک) سپریم کورٹ نے قومی احتساب ادارے (نیب) کو انکوائریز کے درمیان حکومتی افسران کو ہراساں کرنے سے خبردار کردیا ہے۔چیف جسٹس آف پاکستان نے نیب پنجاب کے ڈائریکٹر جنرل سلیم شہزاد سے کہا کہ ’ہم کسی بھی افسر کی ذلت برداشت نہیں کریں گے اور اگر اب کوئی بھی

ایسی شکایت آئی تو آپ یہاں نہیں کھڑے ہوں گے‘۔سپریم کورٹ کے 3 رکنی بینچ کے سامنے نیب کے ڈائریکٹر جنرل کے علاوہ استغاثہ جنرل سید اصغر حیدر صوبے میں عوامی کمپنیوں سمیت مختلف کیسز کی ابتدائی تحقیقات لے کر پیش ہوئے تھے۔ڈائریکٹر جنرل (ڈی جی) عدالت کو عوامی کمپنیوں کی تحقیقات کے حوالے سے ادارے کی پیش رفت پر پر جوش انداز میں بتارہے تھے کہ جسٹس عمر عطاء بندیال نے انہیں یاد دلایا کہ ان کے اختیارات قانون کے اندر ہیں اور وہ قانون کے مطابق کارروائی کرنے کے پابند ہیں۔انہوں نے کہا کہ ’آپ کو صرف الزامات کی حد تک تحقیقات کرنی چاہیے‘۔ڈی جی نے یقین دہانی کرائی کہ تمام کارروائیاں قانون کے مطابق ہورہی ہیں اور نیب کے دفتر آنے والے افسران کو ایئرکنڈیشنڈ کمرے میں رکھا جاتا ہے اور انہیں چائے، کافی، منرل واٹر بھی پیش کی جاتی ہے۔اس بات پر پنجاب کے چیف سیکریٹری زاہد سعید کا کہنا تھا کہ وہ نیب کی جانب سے ان کے دفتر جانے والے افسران کے ساتھ کس طرح کا رویہ رکھا جاتا ہے یہ رازافشاں نہیں کرنا چاہتے بلکہ اس حوالے سے کمپنیوں کے چیف ایگزیکٹو آفیسرز خود عدالت میں بتائیں گے۔ان کا کہنا تھا کہ ان افراد کو پورا دن استقبالیہ پر انتظار کرایا جاتا ہے۔

یہ خبر ہڑھیں : ٹیم کے چھ کھلاڑی بک چکے ہیں اور کل وہ انڈیا سے ہار جائیں گے۔۔۔۔ کپتانی کے دنوں میں جب یہ اطلاع وسیم اکرم تک پہنچی تو انہوں نے کیا قدم اٹھا یا تھا ؟ سوئنگ کے سلطان کے مداحوں کے کام کی تحریر سامنے آ گئی

یہ خبر پڑھیں : عمران خان کے ساتھ تصویر میں موجود یہ نوجوان لڑکی دراصل کون ہے ؟ حقیقت جان کر آپ یقین نہیں کریں گے

چیف جسٹس میاں ثاقب نثار نے ڈائریکٹر جنرل کو مخاطب کرتے ہوئے کہا کہ ’اگر انکوائری کے دوران تحقیق کاروں کی جانب سے کسی بھی حکومتی افسر کو ہراساں یا اس کی تذلیل کی گئی تو اس کے ذمہ دار آپ ہوں گے‘۔قبل ازیں ڈائریکٹر جنرل نے عدالت سے شکایت کی تھی کہ کمپنیوں کی جانب سے نیب کو درکار ریکارڈ فراہم نہیں کیا جارہا تاہم چیف سیکریٹری کا کہنا تھا کہ ابتدائی طور پر نیب کو درکار تمام ریکارڈ انہیں دیا جاچکا ہے۔چیف جسٹس نے نیب کے ڈائریکٹر جنرل کو ہدایت کی کہ وہ نیب کو درکار تمام ریکارڈ کے حوالے سے عدالت کو بتائیں عدالت چیف سیکریٹری کے ذریعے خود اسے حاصل کرے گی۔علاوہ ازیں ڈی جی نے عدالت کو بتایا کہ انکوائریز کو 30 جون تک مکمل کرلیا جائے گا۔(ف،م)

from Hassan Nisar Official Urdu News Website https://ift.tt/2HBf3ec
via IFTTT