روس کا مزید 50 سے زائد برطانوی سفارتی عملے کو ملک بدر کرنے کا حکم

ماسکو(مانیٹرنگ ڈیسک) روس نے برطانیہ کے مزید 50 سے زائد سفارتی اور ٹیکنیکل اسٹاف کو ملک بدر کرنے کا حکم دے دیا۔ ترجمان روسی وزارت خارجہ کے مطابق روس نے برطانوی سفارتی عملے کے 50 افراد کم کرنے کے لیے برطانیہ کو ایک ماہ کا وقت دیا ہے۔

روسی ایجنٹ پر کیمیائی حملے کے بعد برطانیہ اور روس کے تعلقات میں شدید کشیدگی پائی جاتی ہے، برطانیہ کی جانب سے روسی سفیر کو ملک بدر کیے جانے کے جوابی اقدام میں روس سے 23 برطانوی سفارت کاروں کو پہلے ہی بیدخل کیا جا چکا ہے۔

برطانیہ میں سابق روسی ایجنٹ پر گیس حملے کے معاملے پر برطانیہ پہلے ہی روس کے 23 سفارتکاروں کو ملک سے نکال چکا ہے جبکہ برطانیہ سے اظہار یکجہتی کے لیے امریکا، یورپی ممالک اور نیٹو بھی 150 سے زائد روسی سفارتکاروں کو بےدخل کرچکے ہیں۔سالسبری میں 4 مارچ کو سابق روسی ایجنٹ اور اس کی بیٹی پر کیمیائی گیس کا حملہ ہوا تھا جس کے بعد برطانیہ نے حملے کا الزام روس پر لگایا تھا۔

The post روس کا مزید 50 سے زائد برطانوی سفارتی عملے کو ملک بدر کرنے کا حکم appeared first on Iblagh News | حقائق تک رسائی اور ان کا ابلاغ.

from Iblagh News | حقائق تک رسائی اور ان کا ابلاغ https://ift.tt/2E8uKXK
via IFTTT