ساتھی ججز سے تنخواہوں میں کمی کے لیے بات کروں گا، چیف جسٹس

لاہور(مانیٹرنگ ڈیسک) چیف جسٹس پاکستان جسٹس میاں ثاقب نثار کا کہنا ہے کہ تنخواہوں میں کمی کے لیے اپنے ججز سے بات کروں گا۔ سپریم کورٹ لاہور رجسٹری میں اعلی عدلیہ کے ججزکی تنخواہوں اور مراعات میں کمی کے لئے درخواست کی سماعت ہوئی۔ کیس کی سماعت چیف جسٹس پاکستان میاں ثاقب نثار اور جسٹس اعجازلاحسن پر مشتمل دو رکنی بنچ نے کی۔

درخواست گزار بیرسٹر جاوید اقبال جعفری نے مؤقف پیش کیا کہ سابق صدر پرویز مشرف اور مختلف ادوار میں وزرائے اعظم نے تنخواہوں میں غیر ضروری اضافہ کیا اور ایک محتاط اندازے کے مطابق سپریم کورٹ کا ایک جج مراعات اور تنخواہ کی مد میں تقریباً ایک کروڑ ماہانہ وصول کرتا ہے، لہذٰا عدالت سپریم کورٹ کے ججز کی تنخواہوں اور مراعات میں کمی کرے۔
درخواست گزار نے استدعا کی کہ کہ لاہور ہائی کورٹ کے جسٹس فرخ عرفان خان کے خلاف سپریم جوڈیشل کونسل کی کارروائی کھلی عدالت میں کی جائے، جس پر جسٹس اعجازالاحسن نے ریمارکس دئیے کہ کھلی عدالت میں سماعت سے متعلق فیصلہ آ چکا ہے۔

چیف جسٹس نے ریمارکس دیے میرے مطابق سپریم کورٹ کے جج تنخواہ اور مراعات کی مد میں 50 ہزار یومیہ وصول کرتے ہیں اور میں اسی لئے کہتا ہوں کہ ججز اپنی ذمہ داری پوری کریں، چیف جسٹس نے کہا کہ تنخواہوں میں کمی کے لیے اپنے ججز سے بات کروں گا۔

The post ساتھی ججز سے تنخواہوں میں کمی کے لیے بات کروں گا، چیف جسٹس appeared first on Iblagh News | حقائق تک رسائی اور ان کا ابلاغ.

from Iblagh News | حقائق تک رسائی اور ان کا ابلاغ https://ift.tt/2ykP0Yk
via IFTTT