تہران : ایران و پاکستان کے اعلی فوجی کمانڈروں کی ملاقات

تہران (مانیٹرنگ ڈیسک)پاکستانی فوج کے چیف آف جنرل اسٹاف جنرل بلال اکبر نے تہران میں سپاہ پاسداران انقلاب اسلامی کی زمینی فوج کے کمانڈر جنرل محمد پاکپور سے ملاقات اور گفتگو کی۔جنرل محمد پاکپور اور جنرل بلال اکبر کے درمیان ہونے والی ملاقات میں سرحدی سیکورٹی اور تعاون کی سطح میں اضافے، دہشت گردی کے خلاف مشترکہ اقدامات اور سرحدی علاقوں کی سیکورٹی کو یقینی بنانے کے بارے میں تبادلہ خیال کیا گیا۔

سپاہ پاسداران انقلاب اسلامی کی بری فوج کے کمانڈر جنرل پاکپور نے اس موقع پر کہا کہ دشمنان اسلام کی ناپاک سازشوں کو ناکام بنانے کے لیے اسلامی ملکوں کے درمیان اتحاد، تعاون اور ہم آہنگی میں اضافہ ضروری ہے۔ایران و پاکستان کے اعلی فوجی عہدیداروں نے دونوں ملکوں کے درمیان فوجی اور سیکورٹی تعاون کو زیادہ سے زیادہ مضبوط اور پائیدار بنانے کی ضرورت پر بھی تاکید کی۔

قابل ذکر ہے کہ پاکستانی فوج کے چیف آف جنرل اسٹاف جنرل بلال اکبر، ایرانی فوجی عہدیداروں سے ملاقات اور تبادلہ خیال کی غرض سے تہران کے دورے پر ہیں۔

The post تہران : ایران و پاکستان کے اعلی فوجی کمانڈروں کی ملاقات appeared first on Iblagh News | حقائق تک رسائی اور ان کا ابلاغ.

from Iblagh News | حقائق تک رسائی اور ان کا ابلاغ https://ift.tt/2lGnT0W
via IFTTT