ایران مخالف دشمن کی تمام سازشیں ناکام ہوں گی، خطیب جمعہ تہران

تہران (مانیٹرنگ ڈیسک)تہران کے خطیب جمعہ نے امریکہ اور اس کے حامیوں کے ایران مخالف اقدامات کی جانب اشارہ کرتے ہوئے کہا ہے کہ دشمن ایران کی عزت و سربلندی کے مورچوں پر حملے کرنے میں ناکام ہو گیا ہے۔

حجت الاسلام کاظم صدیقی نے تہران کی مرکزی نماز جمعہ کے خطبوں میں دشمن کی سازشوں اور ریشہ دوانیوں کو سمجھنے اور ہوشیار رہنے کی ضرورت پر تاکید کی۔ انہوں نے کہا کہ اسلامی جمہوریہ ایران کے عوام دشمن کی سازشوں کو ناکام بنا دیں گے۔

تہران کے خطیب جمعہ نے کہا کہ میزائل ٹیکنالوجی اور دوسرے سائنسی میدانوں میں ایران کی ترقی و پیشرفت سے دشمن بوکھلایا ہوا ہے اور وہ ایک بار پھر پابندیوں کے حربے آزمانے کی کوشش کر رہا ہے۔ حجت الاسلام کاظم صدیقی نے واضح کیا کہ ایران کا میزائل پروگرام دفاعی نوعیت کا ہے اور اس پر کوئی سودے بازی نہیں کی جائے گی۔

انہوں نے کہا آٹھ سالہ دفاع مقدس کے دوران ایران کے مختلف شہر دشمن کے میزائل حملوں کا نشانہ بنتے رہے لیکن آج ایران نے میزائل ٹیکنالوجی میں ترقی کر کے، دشمن سے جارحیت کی سوچ چھین لی ہے۔

تہران کے خطیب جمعہ نے دہشت گرد گروہ داعش کے مقابلے میں ایران کے کردار کی جانب اشارہ کرتے ہوئے کہا کہ دہشت گرد گروہوں کے خلاف ایران کی جنگ نے دنیا کو دہشت گردی کے سنگین خطرات سے بچا لیا ہے۔

The post ایران مخالف دشمن کی تمام سازشیں ناکام ہوں گی، خطیب جمعہ تہران appeared first on Iblagh News | حقائق تک رسائی اور ان کا ابلاغ.

from Iblagh News | حقائق تک رسائی اور ان کا ابلاغ https://ift.tt/2lJ4sEv
via IFTTT