انتخابات میں کامیابی حاصل کرنے کیلئے پیپلز پارٹی نے ووٹرز کو کیا بڑی پیشکش کردی؟ سیاسی جماعتیں حیران و پریشان رہ گئیں

نوابشاہ(ویب ڈیسک) سابق صدر اور پاکستان پیپلز پارٹی کے شریک چیئرمین آصف علی زردای نے اعلان کیا ہے کہ اگر آئندہ انتخابات میں ان کی جماعت کامیاب ہو کر اقتدار میں آئی تو ہر اس خاندان کے ایک فرد کو سرکاری نوکری دی جائے گی جس کا کوئی بھی فرد پہلے سے سرکاری ملازم نہ ہو۔

نجی اخبارکی رپورٹ کے مطابق نوابشاہ میں تاجروں اور علاقائی معززین کے وفد سے ملاقات کرتے ہوئے آصف علی زرداری کا کہنا تھا کہ پی پی پی اقتدار میں آکر زیادہ سے زیادہ افراد کے لیے ملازمتوں کے مواقع فراہم کرے گی۔ان کا مزید کہنا تھا کہ ملکی معیشت میں ذراعت ریڑھ کی ہڈی کی حیثیت رکھتی ہے اور اس شعبے کی بہتری انتہائی ضروری ہے، اس کے لیے کسانوں کو تمام تر وسائل فراہم کیے جائیں گے تا کہ ذرعی پیداوار میں اضافہ ہوسکے۔ملک میں پانی کی قلت کے حوالے سے ان کا کہنا تھا کہ موجودہ حالات میں اس صورتحال سے نمٹنے کے لیے ڈیم تعمیر کرنا وقت کی اہم ترین ضرورت ہے تا کہ پانی ذخیرہ کیا جاسکے۔اس ضمن میں ملک کو درپیش کئی مسائل کے لیے پاکستان مسلم لیگ (ن) کو مورد الزام ٹہراتے ہوئے ان کا کہنا تھا کہ حکومت کی خراب پالیسیوں کے سبب معیشت زوال کا شکار ہے۔اس سلسلے میں ضلع بے نظیر آباد (سابق نوابشاہ) میں ترقیاتی کاموں کے حوالے سے آصف زرداری کا کہنا تھا کہ پیپلز پارٹی کی حکومت سندھ میں صحت، تعلیم ، مواصلات اور ایسے ترقیاتی منصوبوں پر بھر پور توجہ دے گی جس سے یہاں تیزی سے تبدیلی آئے، اس کے ساتھ بجلی کی پیداوار اور نکاسی آب کے منصوبوں پر بھی کام کیا جائے گا۔پیپلز پارٹی کے شریک سربراہ کا مزید کہنا تھا کہ نوابشاہ میں کام کرنے والی شوگر ملوں اور دیگر صنعتی یونٹس کو شہر سے باہر منتقل کردیا جائے گا تا کہ نوابشاہ کو ماڈل سٹی بنایا جاسکے۔وفد سے گفتگو کرتے ہوئے انہوں نے ایک بار پھر اس بات پر زور دیا کہ انتخابات کا انعقاد مقررہ وقت پر ہونا چاہیے۔(ف،م)

from Hassan Nisar Official Urdu News Website https://ift.tt/2Ka04MY
via IFTTT