اسرائیلی وفد بحرین کا دورہ کرے گا

منامہ (مانیٹرنگ ڈیسک) بحرین میں سرکاری سطح پر ہونے والی کانفرنس میں اسرائیلی وفد کو شرکت کی دعوت دی گئی ہے۔ رشیا ٹوڈے عربی کے مطابق اس بات کا انکشاف بحرین کے محکمہ ثقافت اور آثار قدیمہ کے اعلی عہدیدار منیر بوشاقی نے کیا ہے – انہوں نے کہا کہ یہ کانفرنس چوبیس جون سے چار جولائی تک اقوام متحدہ کے ادارے یونیسکو کے تعاون سے منعقد ہو گی جس میں اسرائیل سمیت دنیا بھر سے دوہزار سے زائد افراد شرکت کریں گے۔

سعودی عرب میں سلمان بن عبدالعزیز کے اقتدار میں آنے کے بعد سے عرب ممالک نے اسرائیل کے ساتھ تعلقات معمول پر لانے کی کوششیں تیز کر دی ہیں۔ اگرچہ دوہزار پندرہ سے پہلے بھی اسرائیل کے ساتھ تعلقات رہے ہیں تاہم یہ تعلقات محدود اور خفیہ تھے۔ تین عرب ملکوں سعودی عرب بحرین اور متحدہ عرب امارات نے حالیہ برسوں کے دوران اسرائیل کے ساتھ تعلقات کے قیام کے لیے متعدد اقدامات انجام دیئے ہیں۔

The post اسرائیلی وفد بحرین کا دورہ کرے گا appeared first on Iblagh News | حقائق تک رسائی اور ان کا ابلاغ.

from Iblagh News | حقائق تک رسائی اور ان کا ابلاغ https://ift.tt/2MAdL5Y
via IFTTT