امریکی صدر کا شام سے فوج واپس بلانے کا اعلان

ورجینیا(مانیٹرنگ ڈیسک)امریکی صدرنے شام سے اپنی افواج واپس بلانے کا اعلان کردیا ہے۔ ڈونلڈ ٹرمپ کہتے ہیں فوج نے شام میں داعش کو شکست دے کر اپنا کام مکمل کرلیا ہے۔امریکی میڈیا کے مطابق ڈونلڈ ٹرمپ کا کہنا تھاکہ شام میں امریکی افواج کا کام داعش کو شکست دینا تھا۔ فوج نے یہ کام بخوبی سرانجام دے دیا ہے۔ وہ ریاست ورجینیا کے شہر رچمونڈ میں تقریب سے خطاب کررہے تھے۔ امریکی صدر نے کہاکہ فوجی جوان جلد اپنی سرزمین پر واپس پہنچ جائیں گے۔

بریفنگ کے دوران صحافیوں نے امریکی محکمہ خارجہ کے ترجمان ہیدر نوئرٹ سے سوال کیاکہ صدرنے شام سے فوج واپس بلانے کا اعلان کیا ہے۔ فوجی کب وطن واپس پہنچیں گے۔ نوئرٹ نے صدر کے اعلان سے لاعلمی کا اظہار کیا۔

 

The post امریکی صدر کا شام سے فوج واپس بلانے کا اعلان appeared first on Iblagh News | حقائق تک رسائی اور ان کا ابلاغ.

from Iblagh News | حقائق تک رسائی اور ان کا ابلاغ https://ift.tt/2Gj76gV
via IFTTT