ترکی کی یورپ کو القدس اور فلسطین کانفرنس کی تجویز

انقرہ (مانیٹرنگ ڈیسک)ترک وزیر خارجہ چاویش اوگلو نے کہا ہے کہ ان کے ملک نے یورپی یونین کو تجویز دی ہے کہ وہ استنبول میں اسلامی تعاون تنظیم کے ساتھ القدس اور فلسطین کے حوالے سے مشترکہ کانفرنس کا انعقاد کرے تاکہ قضیہ فلسطین کا موثر حل نکالا جاسکے۔جمعہ کے روز برسلز میں ہونے والے وزراء خارجہ کے اجلاس میں احمد چاویش اوگلو نے کہا کہ یورپی یونین اور اسلامی تعاون تنظیم ’او آئی سی‘ کے لیے ترکی میں القدس اور فلسطین کے حوالے سے کانفرنس کے انعقاد کی تجویز پیش کی جاتی ہے۔ اس کانفرنس میں یورپی یونین کی خارجہ کمیٹی کی سربراہ فیڈریکا موگرینی، اسلامی تعاون تنظیم کے سیکرٹری جنرل یوسف بن احمد بن العثیمین اور فلسطینی وزیر خارجہ ریاض المالکی نے شرکت کی۔

اس موقع پر ترک وزیر خارجہ نے تجویز پیش کی یورپی یونین اور اسلامی تعاون تنظیم مل کر استنبول میں القدس اور فلسطین کانفرنس کا انعقاد کریں۔ ترکی اس کانفرنس کی میزبانی کرے گا۔اس موقع پر خطاب کرتے ہوئے دوسرے مندوبین نے ترکی کی اس تجویز سے اتفاق کیا اور زور دیا کہ عالمی برادری قضیہ فلسطین کے منصفانہ حل کے لیے موثر کوششیں جاری رکھے۔

The post ترکی کی یورپ کو القدس اور فلسطین کانفرنس کی تجویز appeared first on Iblagh News | حقائق تک رسائی اور ان کا ابلاغ.

from Iblagh News | حقائق تک رسائی اور ان کا ابلاغ https://ift.tt/2HBMUaP
via IFTTT