’اسرائیل فلسطینی مظاہرین کے خلاف طاقت کا بے دریغ استعمال بند کرے‘اقوام متحدہ

نیویارک (مانیٹرنگ ڈیسک)اقوام متحدہ میں انسانی حقوق کے خصوصی مندوب شہزادہ زید بن رعد الحسین نے فلسطین کے علاقے غزہ کی پٹی میں اسرائیلی فوج کے ہاتھوں نہتے فلسطینی مظاہرین کے قتل عام کی آزادانہ تحقیقات کا مطالبہ کیا ہے۔اقوام متحدہ کے مندوب نے ایک بیان میں کہا ہے کہ گذشتہ چار ہفتوں سے اسرائیلی فوج غزہ کی مشرقی سرحد پر جمع ہونے والے فلسطینیوں کے خلاف طاقت کا بے دریغ استعمال کررہی ہے جس کے نتیجے میں بڑی تعداد میں شہری جانوں سے ہاتھ دھو بیٹھے ہیں جب کہ ہزاروں زخمی ہیں۔انہوں نے مزید کہا کہ اسعرئیلی فوج نے چار ہفتوں کےدوران غزہ کی پٹی میں احتجاج کرنے والے42 فلسطینیوں کو قتل اور5500 کو زخمی کردیا ہے۔

انہوں نے کہا کہ غزہ کی پٹی میں پرامن فلسطینی مظاہرین کے خلاف طاقت کے وحشیانہ استعمال کا سلسلہ اب بند ہونا چاہیے۔ اسرائیلی فوج ایک بار نہیں بلکہ باربار فلسطینی مظاہرین کے خلاف طاقت کا اندھا دھند استعمال کر رہی ہے۔

The post ’اسرائیل فلسطینی مظاہرین کے خلاف طاقت کا بے دریغ استعمال بند کرے‘اقوام متحدہ appeared first on Iblagh News | حقائق تک رسائی اور ان کا ابلاغ.

from Iblagh News | حقائق تک رسائی اور ان کا ابلاغ https://ift.tt/2r4Ecqo
via IFTTT